Не можеме да пребаруваме на интернет без да ни се појави последниот скандал на семејството Кардашијан. И додека многумина се луди по нив, има и такви кои не можат да ги смислат, па се обидуваат на секаков начин да ги избегнат.
За среќа, постои нова опција преку која ќе можете да блокирате на интернет сè што е поврзано со овој скандалозен клан. Програмата се нарекува KardBlock, создадена од Џејмс Шамси.
- Не нè интересира кои се Кардашијан или со кои спијат. Ако постои нешто на интернет прелистувачот поврзано со нив, ние правиме да исчезне. Нема ни да знаеш дека тие постојат, затоа што нема нови вести за нив на секој час, изјави Џејмс.
За жал, програмата се уште се тестира, па затоа не е достапна. Сепак, оние кои итно имаат потреба од неа, може да ја внесат својата електронска адреса, за да им стигне известување кога ќе биде достапна програмата. Програмерите исто така работат и на иста програма за блокирање на новости поврзани со Џастин Бибер.