Самоукиот експерт за ласери Patrick Priebe, се повеќе почнува да наликува на Tony Stark.
Иако на располагање не му стојат милијарди долари како на јунакот на Марвел, овој човек постојано развива свои ласери кои се носат, и кои почнуваат да изгледаат се посериозно, иако уште долго нема да биде во состојба да ја направи онаа работа која е резервирана за фиктивните супрехерои.
Неговата нова Iron Man ракавица поседува систем од два ласери кои работат на литиј-ионски батерии, и своевиден фрлач на ножеви, кој веројатно нема да ве убие затоа што нема доволна моќ, па дури ни острица, но не значи дека во блиска иднина не може да се претвори во смртоносно оружје.
Што се однесува до ласерот, оној кој се наоѓа на горната страна е повеќе некој вид на ласерски нишан или покажувач, што значи дека со него не можете ништо да пржите или да дупчите, но на дланката се наоѓа вистински, со кој е во состојба да дупне балон па дури и да запали кожа, а да не помислиме што би можело да се случи доколку му го вперите на некого во око.
Покрај сето тоа, тој ја опреми ракавицата и со соодветни звучни ефекти, па веруваме дека секој фан на Iron Man би се забавувал со овој гаџет.