Мобинг преку интернет е чест проблем, особено во училиштата, па затоа е тука новата апликација Hyper, која ќе се обиде да го намали.
Hyper е нова социјална мрежа која тврди дека го оддалечува и намалува влијанието на интернет троловите благодарение на тоа што е ориентирана на собирање на корисници и дигитални заедници според содржинските интереси, а не според личните профили на корисниците, пренесува Huffington Post.
Корисниците можат да делат фотографии под одредени теми со помош на популарни хаштагови, а потоа можат да гласаат во секоја категорија.
Со гласовите се дава своевиден плус или минус, и токму со тие гласања креаторите на апликацијата настојуваат да ги оддалечат троловите од фокусот на тематските објави.
Системот на гласањето ефикасно го отстранува малтретирањето, а корисниците сами бираат во која група повеќе ќе припаѓаат. Негативните коментари нема да бидат ефикасни бидејќи минусите брзо ќе ги спуштат.
“Непристојните луѓе нема долго да траат кај нас“, порачува Ден Фибер, еден од главните креатори на апликацијата.
Hyper овозможува да коментирате анонимно. Во пробната фаза на апликацијата објавени се 60.000 фотографии и забележани се милион гласови. Апликацијата е пуштена на 5 мај, засега е достапна само за корисниците а iOS.