Microsoft објави дека е достапна за бесплатно преземање и користење Skype Translator Preview апликацијата за сите оние кои користат Windows 8.1 и Windows 10 оперативни системи.
Се што треба е да ја преземете апликацијата од Windows Store за Windows 8.1 или Windows 10, да ја стартувате и потоа да се логирате со своето корисничко име и лозинка која ја користите обично кога станува збор за Skype.
Апликацијата во основа делува како малку помодерна верзија на класичниот Skype, но во себе носи опции за бесплатно преведување за телефонски и видео разговори кои на почеток ќе вклучуваат англиски, кинески, германски, шпански, француски и италијански. Освен тоа преведувањето се нуди и за дополнителни 50 јазици, но исклучиво за текстуален чет.
Компанијата вели дека работи на тоа да се направи поддршка и за други јазици, но водени од искуството некако немаме чувство дека преведување на гласовен разговор на македонски ќе видиме наскоро.