|
 |
Избори 2008
|
|
Премиерот Груевски ги осуди инцидентите и повика на мирни и фер избори
Скопје, 13 мај (МИА) - Премиерот Никола Груевски денеска ги осуди сите инциденти од почетокот на изборната кампања, ги повика партиите да го почитуваат Кодексот за мирни, фер и демократски избори и најави дека ќе бидат санционирани сите предизвикувачи на кои предизвикуваат насилство.
- Ги осудувам сите досегашни изборни инциденти што се случија во изминатите неколку дена, вклучувајќи го и вчерашниот, и ги повикувам сите актери на политичката сцена да го почитуваат тоа што го потпишавме, дека можеме и мораме заедно со Националниот демократски институт и заедно со сите политички партии политичката борба да има своја смисла и да биде борба на концепти и на идеи. Таа не може да се претвори во арена на борба којашто повеќе претставува борба со сила, со мускули или со оружје отколку борба на концепти и на идеи, рече Груевски во изјавата пред Владата на Република Македонија.
Тој порача дека институциите на системот ќе направат се што е во нивна моќ да ги сопрат или казнат оние кои ќе ги злоупотребат изборите и оние кои ќе сакаат да ги претворат во друг вид на арена, а не во политичка.
- Во тој контекст веројатно тоа најдобро го почувствува човекот кој вчера е приведен во полиција, а убеден сум дека тоа ќе го почувствува и вториот по кој се трага по вчерашниот инцидент, додаде премиерот Груевски.
Тој истакна дека по повод инцидентите, денеска разговарал со двајцата главни политички актери во албанскиот блок Мендух Тачи и Али Ахмети, и оти тие изразиле подготвеност да направат се што е во нивна моќ да спречат натамошни инциденти, да влијаат на своите активисти за политичката борба да продолжи како борба на концепти и идеи и да не дозволат името на Република Македонија да го валкаат некои поединци кои можат да и нанесат штета на државата.
- Сакаме да има фер избори. Се обврзавме на фер избори и во оваа прилика ги повикувам сите политички партии, претседателите на политичките партии, но и раководствата и активистите и оние кои на терен ги прават проблемите, и да порачам дека нема да има партиска заштита за никого независно кој од која партија е и за која партија се борел, независно дали таа е на власт или можеби некоја планира да биде на власт. Сакам да порачам дека партиска заштита нема да има за никого и дека институциите на системот ќе делуваат согласно Уставот и законите, порача премиерот Никола Груевски.
|
|
|
|
|
|
 |
Топ стории за последните 7 дена од
Избори 2008 |
|
|
|
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|