|
 |
Избори 2008
|
|
Јосифовски: Позитивна вкупната оценка за изборите одржани на први и 15 јуни
Скопје, 15 јуни (МИА) - Коалицијата „За подобра Македонија“ предводена од ВМРО-ДПМНЕ на предвремените парламентарни избори што се одржаа на 1 јуни и на денешното повторено гласање освоила 481.602 гласови, Сонце - Коалицијата за Европа 233.362, ДУИ 125.997, ДПА 83.678, ПЕИ 14. 473 и ПДП 5.209 гласови, соопшти вечерва на прес-конференција претседателот на Државната изборна комисија (ДИК) Јован Јосифовски.
Одѕивот на гласањето на ниво на цела држава изнесува 57,16 осто. Јосифовски ги соопшти податоците на ДИК добиени од 2.972 избирачки места односно 99,87 отсто, од вкупно 2.976 во шесте изборни единици во Македонија. На предвремените избори, според ДИК, излегле на гласање 1.015.034 избирачи од вкупно 1.779.116 гласачи запишани во единствениот избирачки список. Бројот на важечки гласачки ливчиња изнесува 986.798.
Јосифовски оцени дека денешното прегласување помина во мирна фер и демократска атмосфера во најголемиот дел од избирачките места.
- Република Македонија на ова повторно гласање успешно го положи тестот што требаше да го положи и сметам дека вкупната оценка за изборите одржани на први и на 15 јуни е позитивна. Со тоа Република Македонија покажа и докажа дека може и мора да спроведе фер и демократски избори, рече вечерва претседателот на ДИК Јосифовски.
Повтореното гласање денеска се одржа на 183 избирачки места, од вкупно предвидените 187, и тоа во првата, втората и во шестата изборна единица. Одѕивот на гласачите изнесуваше 48,90 отсто, соопшти Јосифовски.
Вкупно, ДУИ денеска освои 38.642 гласови, додека ДПА 32.133.
Во првата изборна единица одѕивот на гласачите на 28 -те избирачки места изнесувал 54, 74 отсто. Најмногу гласови освои ДУИ 7.822, додека ДПА доби 5.863.
Во втората изборна единица обработени се податоците од повтореното гласање во 40 избирачки места, каде излезноста изнесуваше 49,03 отсто. ДУИ освои 10.551 гласови, додека ДПА 5.620.
Во шестата изборна единица на 115 избирачки места одѕивот на гласачите бил 47,28 отсто. ДУИ освоила 20.269, а ДПА 20.650 гласови.
|
|
|
|
|
|
 |
Топ стории за последните 7 дена од
Избори 2008 |
|
|
|
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|