|
 |
Избори 2008
|
|
МОСТ: Прегласувањето мирно со одредени нарушувања на процедурата за гласање
Скопје, 16 јуни (МИА) - Граѓанската асоцијација МОСТ во прелиминарниот извештај за прегласувањето на предвремените парламентарни избори оценува дека денот на прегласувањето бил мирен со силно присуство на полицијата и со сериозни нарушувања на процедурата на гласање на одредени избирачки места.
- Набљудувачите на МОСТ забележаа значителен број случаи на семејно гласање, гласање во име на друг, гласање без соодветна документација и повеќекратно гласање. Најголем процент од избирачките места со вакви нарушувања се во Изборната единица 6, рече претседателот на МОСТ Дарко Алексов на денешната прес-конференција.
Тој посочи дека прегласувањето ги спречи и изолира насилите однесувања на криминалните групи поради силното присуство на полицијата но, како што кажа, не придонесе за значително менување на впечатокот за целосната слика на изборите во сферата на спроведување на процедурата на гласање.
- Во споредба со 1 јуни не е забележан притисок како врз избирачките одбори така и врз гласачите, а бројните набљудувачки тимови и присуството на полициските сили им овозможија на избирачките одбори комплетно да ја контролираат процедурата и да ја преземат одговорноста за регуларноста на изборите, рече Алексов, истакнувајќи ја одлично завршената работа на МВР.
Тој нагласи дека ДИК постави нови стандарди на заштита на избирачкото право со бројот на гласачки места во кои не беа прифатени резултатите од 1 јуни, но нагласи дека сепак мора пропустите во сопствената администрација како од прегласувањето така и од изборите на 1 јуни да ги посочи и најригорозно да ги санкционира.
Прелиминарната оценка за прегласувањето МОСТ ја изнесува врз основа на извештаите добиени од 310 набљудувачи распоредени на 86 проценти од избаричките места на кои се прегласуваше.
|
|
|
|
|
|
 |
Топ стории за последните 7 дена од
Избори 2008 |
|
|
|
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|