Хрватската актерка Долорес Ламбаша (32) им подлегна на повредите по сообраќајната несреќа која се случи ова утро во Хрватска.
-Повредите беа претешки. Се обидовме да ја реанимираме, но телото не издржа, изјави Бранка Саболиќ од болницата во Славонски Брод каде што актерката беше примена во критична состојба.
Долорес Ламбаша и актерот Стојан Матавуљ беа повредени во тешка сообраќајна несреќа која утрово околу 6.30 часот се случи кај Велика Копаница во Хрватска.
Додека Матавуљ кој го управувал возилото помина со помали повреди, Ламбаша беше во животна опасност и се наоѓаше на одделот за реанимација на доктор Јосип Бенчевиќ во Славонски Брод.
Несреќата се случила откако Nissan-от во кој што биле актерите се судрил со VW Polo поради недоволно растојание меѓу возилата, при што двата автомобила излетале од патот.
Полицијата излезе со официјално соопштение во кое наведе дека ќе покрене обвинение против Матавуљ бидејќи според доказите тој е оној кој ја предизвикал несреќата.