Тажна вест го потресе Холивуд. Во 40-та години од животот во страшна сообраќајна несреќа загина популарниот американски актер Пол Вокер, ѕвездата на филмовите од серијалот „Fast and Furious“. Пол Вокер загинал во сообраќајна несреќа во саботата околу 15:30 часот по локално време во Санта Кларита, северно од Лос Анџелес.
Полицијата во Калифорнија ја потврди сообраќајната несреќа и првично изјави дека двете лица кои се возеле во автомобилот марка „Porsche“ загинале откако тој се запалил по удар во близина на патот.
Пол и неговиот пријател починале на самото место. Неговиот пријател, кој најверојатно го управувал автомобилот, изгубил контрола врз Porsche-то поради брзото возење, удрил во дрво, па во бандера, а на крај спортскиот автомобил се запалил.
Извори велат дека Вокер требал да присуствува на добротворен настан за поддршка за жртвите од тајфунот во Филипини, „Reach Out Worldwide“. Пол и неговиот пријател го земале новото Porsche GT на пробно возење. Несреќата се случила во текот на ова пробно возење, а брзината најверојатно е клучниот фактор за несреќата. Исто така, извори велат дека жртвите биле толку многу изгорени, па истрагата ќе потрае неколку денови пред да можат да се идентификуваат телата.
Изгубив пријател: Bill Townsend ја постираше фотографија од него со Пол Вокер снимена неколку часа пред трагичната смрт во сообраќајна несреќа во Калифорнијa
- Со навистина тешко срце ние мора да потврдиме дека Пол Вокер почина денеска во трагична сообраќајна несреќа, додека беше на пат за добротворниот настан за неговата организација Reach Out Worldwide“, се вели во соопштението на актерот на кое излезе на неговата Facebook страницата.
Херојoт на циклусот филмови "Fast and Furious" зад себе ја остави својата ќерка Медоу Реин која неодамна наполни 15 години.
Новото продлжение на филмот „Fast and Furious 7“ беше снимано оваа есен, а неговата премиера беше планирана за следното лето.
Веста за неговата смрт се прошири на интернет, а смртта ја потврдија и неговите пријатели и колеги актери преку Facebook и Twitter.
Трагичната несреќа била снимена од случајни минувачи: