Нашиот финалист во популарното шоу „X-Factor“, 29-годишниот фаворит на Жељко Јоксимовиќ, Даниел Кајмакоски, утре (19-ти) ќе има настап пред своите фанови во Република Македонија.
Имено, тој ќе биде дел од концертот на својот ментор од шоуто, Жељко, кој ќе одржи концерт во спортската сала „Билјанини Извори“. Неговиот концерт е дел од богатата програма за одбележување на Богојавленските празници во Охрид.
- Многу се гордеам што можам да ви кажам дека конечно ќе настапувам во Македонија, напиша Кајмакоски на својот FB профил.
Инаку Даниел во вторникот за време на настапот на второто лајв шоу од X-Factor беше болен, па да се надеваме дека во Македонија доаѓа оздравен и свеж, но и подготвен за новите предизвици кои тек следат пред него.