Тркалото на животот е најкраткиот тест на личноста кој го користат многу психолози, а претставува генијална алатка за брз визуелен приказ за тоа како ви оди во 8-те најважни аспекти од животот.
Ќе ви одземе само 1 минута, а визуелно ќе ви покаже колку лесно се движи вашето животно тркало, односно колку сте избалансирани, кои се вашите силни страни, а на што треба да поработите.
8-те најважни сегменти од кои се состои животот на секој човек се: љубов (во романтична смисла); кариера (креативен и интелектуален напредок); личен развој (психолошки развој, емоции, духовност); здравје; односи (пријатели, семејство); хоби, забава и релаксација; животен стил (живеење, благосостојба, квалитет на живеење и околина) и финансии.
Сите знаеме колку е важно да се одржува рамнотежата во сите животни полиња. Во спротивно доаѓа до акумулирање на стрес и потиснување на негативни емоции што со текот на времето може да доведе до проблеми во односите, депресија и органски заболувања.
Како функционира овој тест?
Земете лист хартија и прецртајте (или испринтајте) ја сликата прикажана подолу:
Проценете го вашето задоволство на секој овој сегмент од животот за изминатиот период (месец, 6 месеци, години) на скала од 1 до 10.
Потоа спојте ги точките (оцените) со линија по тркалото на животот и погледнете кој облик сте го добиле.
Дали е тоа голем правилен круг, коцка или некој помал чуден облик?
Значи, го добивте визуелно вашето лично тркало на животот, а заедно со него добивате и преглед за тоа на што треба да обрнете поголемо внимание. Очигледно, потешко се добива што поправилен и поголем круг.
Не очајувајте доколку кај вас нема ниту една 10-ка во полињата, или доколку не сте добиле голем и правилен круг, туку некоја мала коцка или друга форма. Тоа е само почеток на вашиот подобар живот.
Психолозите уверуваат дека со редовно анализирање на овој животен круг, односно со освестување за квалитот на сите 8 аспекти на вашиот живот, можете да постигнете значаен напредок и дека вашето животно тркало ќе станува уште потркалезно и ќе врти како подмачкано.
Правете ја оваа вежба секој месец за визуелно и лесно да го следите вашиот напредок.