Пенг Шизенг е поранешен дизајнер на кожни чевли во една фабрика во источна Кина. Во 1990-тите, заради лошо управување со фабриката, истата морала да се затвори. Но, тоа не го обесхрабрило Пенг да продолжи да го искористува својот талент.
Крајот на работата во фабриката претставувал почеток на еден нов интересен правец во неговата кариера. Педесет и пет годишниот дизајнер отворил своја работилница и започнал да произведува парови кожни чевлички во минијатура.
Неговата најмала креација е долга само 8 милиметри, за која што му биле потребни неколку денови за да ја изработи.
Погледнете ги неговите минијатурни ремек дела, со кои овој човек производството на чевли го однел во еден креативен правец, издигнувајќи го на ниво на нова уметност.