Документарниот филм „Катастрофалните последици од земјотресите во Непал“, темелно ги истражува разорните земјотреси кои го погодија Непал. Филмот го прикажува разорниот потрес со магнитуда од 7,8 степени кој на 25. Април 2015 го потресе Непал, а после него следеше уште еден, на 12 мај со магнитуда од 7,3 степени.
Разорниот земјотрес позади себе остави рушевини и повеќе од 8000 загинати, вклучувајќи и 18 планинари кои биле во камп на Монт Еверест. Историските згради во главниот град на Непал, Катманду, се сведени на рушевини, а позади семејните куќи останати се само облаци од прашина.
Во овој документарец, со помош на интервјуата со експертите и сеизмичките симулации се објаснува науката за потресот, спасувачките акции во Катманду и вестите за потресот од целиот свет. Филмот пружа ексклузивен увид во ситуацијата со помош на најнова технологија и истражувања кои би му помогнале на човештвото подобро да ги предвидува и да се носи со природните катастрофи. Гледачите ќе имаат можност да ги видат изјавите на очевидците и оние кои го преживеале земјотресот- од мајка чие дете било закопано во рушевините 22 часа до студент кој бил згмечен од рушевините на зграда. Надополнување се и сведочењата по социјалните медиуми за време на настанот.
- Документарецот ги води гледачите во самиот центар на потресот, во едно од најстрашните искуства познати на човештвото и ги покрива сите аспекти, од наука до лични приказни на луѓето кои го преживеале, изјавил Елизабет Мекентајер, потпретседател на производство и развој на Discovery Networks International.
„Катастрофалните последици од земјотресите во Непал“ може да го гледате на каналот Discovery под реден број 102 на MaxTV, на 1 јуни во 23 часот.