Данската архитектонска фирма Bjarke Ingels Group откри како ќе изгледа новиот Втор светски трговски центар кој ќе има поглед кон 9/11 меморијалниот парк во Њујорк.
Зградата треба да се заврши до 2020 година и ќе ја заменува 79-катницата која ја изгради лондонска фирма. Кулата ќе изгледа како неколку коцки поставени една врз друга и ќе има 80 ката.
- Кулата на некој начин ќе претставува капија меѓу Трибека и центарот на градот. Ќе ги соедини граѓаните на двете општества. Страната која е свртена кон Трибека е поапстрактна, авангардна, креативна од каде што ќе се гледаат блоковите. Другата страна гледа кон меморијалниот центар па со тоа ќе се оддаде почит кон загинатите, изјави Бјарк Ингелс, генералниот директор на фирмата.
Бјарк се инспирирал да создаде врска меѓу првиот светски трговски центар и неговата нова зграда, на сличен начин како што биле поврзани оригиналните Кули близначки.
- Една од работите која е многу моќна за Кулите близначки е дека тие беа две силуети во Менхетен, кои имаа цврста врска. Во нивниот случај, тие беа идентични. Овие кули нема да бидат близначки, но ќе бидат слични.
Внатрешноста во кулата ќе биде дизајнирана за различни бизниси и организации. Некои места ќе бидат големи и отворени, а други ќе имаат класичен изглед. Исто така, балконите целосно допринесуваат за убавината на кулата, кои ќе бидат мошне интересни и оригинални.