Познатиот „жив Супермен“, Филипинецот Херберт Чавез, досега направил вкупно 23 операции за да наликува на неговиот омилен јунак.
Чавез денес има 37 години, а последните 18 активно работи на преобразба на својот изглед, која, меѓу другото, вклучува и избелување на кожата, „поправки“ на носот и вилицата, липосукција и слично.
Со години Чавез сè повеќе и повеќе наликува на филмскиот Супермен, но се чини дека на операциите им нема крај.
Сепак, неодамна лекарите одбија да му вградат „железни стомачни мускули“, како оние што ги има филмскиот Супермен, затоа што Чавез пред планираната операција самиот си вбризгал илегална и потенцијално отровна супстанца наречена „МесоЛипо“.
Иако лекарите го предупредиле дека операцијата претставува опасност за неговото здравје, па и живот, Чавез сепак инсистирал на вградување стомачни мускули.
За неговата опсесија, која трае веќе повеќе од две децении и која го чинеше цело богатство, Чавез неодамна за „Дејли Мејл“ изјави дека „не жали за ништо“.
- Зошто би жалел? Сè што ми се случуваше во животот беше позитивно искуство токму благодарејќи на Супермен. Ќе престанам дури тогаш кога ќе почувствувам дека моето тело поеќе не може да го поднесе тоа или кога лекарите ќе ме предупредат на евентуална опасност поради годините, изјави Чавез за лондонскиот весник.