Кога ќе настапат топлите летни денови, пивото е дефинитивно најомилената опција за освежување. Доколку се одлучиме да седнеме и да се напиеме по некоја чаша пиво во кафана или кафуле, кај нас во Скопје тоа задоволство ќе нè чини од 80 до 180 денари по шише, во зависност од брендот.
Ајде да видиме како се движат цените на пивото низ светот. За таа цел, неодамна направено е едно истражување кое опфатило вкупно 75 градови во различни држави, кои важат за атрактивни дестинации, но и најповолни кога станува збор за овој пенлив пијалак.
Резултатите од истражувањето спроведено од GoEuro, кое го привлече вниманието на светската јавност, а особено на страстните љубители на пивото, покажале дека најповолно е да отидете во Краков на пиво по цена од 1,51 евро, а по овој град следуваат Киев и Братислава.
Помеѓу 10-те најефтини градови во светот кога станува збор за цената на пивото, дури 5 од нив се наоѓаат во Европа.
На листата се наоѓа и Белград, поточно на 8-то место, со просечна цена на пивото проценета на 1,79 евра. Од нашите соседи, опфатена и Бугарија, поточно Софија, која е на 17-то место. Дубровник, пак, се наоѓа на 25-то место.
Еве ја листата на најповолните 10 градови со најефтина просечна цена за 0,33 литри пиво:
1. Краков, Полска (1,51 ЕУР)
2. Киев, Украина (1,51 ЕУР)
3. Братислава, Словачка (1,53 ЕУР)
4. Малага, Шпанија (1,56 ЕУР)
5. Делхи, Индија (1,59 ЕУР)
6. Хо Ши Мин, Виетнам (1,62 ЕУР)
7. Мексико Сити, Мексико (1,77 ЕУР)
8. Белград, Србија (1,79 ЕУР)
9. Асунсион, Парагвај (1,80 ЕУР)
10. Бангкок, Тајланд (1,91 ЕУР)