Животот е многу повеќе од барање некој кој ќе те сака, или тагување заради некој што не те сака. Тоа толку драгоцено време може да се посвети на откривање на самиот себе, без да се надеваш дека некој попатно ќе се заљуби во тебе, а тоа не мора да значи дека ќе се чувствуваш празно или болно. Треба самиот да се наполниш со љубов. Никој друг. Да станеш едно со самиот себе. Да тргнеш на авантури, да заспиеш во шумата со пријателите, да талкаш низ улиците во доцните ноќни часови, да седнеш сам во кафуле и да уживаш во вкусот на омиленото кафе, да пишуваш стихови со маркер по ѕидовите на јавните тоалети, да оставаш ливчиња со белешки во книгите од библиотека, да се дотеруваш за самиот себе, да се смееш често. Да ги правиш сите работи со љубов, но да не го романтизираш животот како да да не можеш да преживееш без неа. Живеј за себе и биди среќен со самиот себе. Ништо од ова не е помалку убаво од вообичаеното, ветувам.
Емерли Ален