Кога станува збор за вистинска љубов, многумина се скептици во врска со нејзиното постоење. Модерниот начин на живот и сите последици кои ги носи со себе, нè тера да помислиме дека „среќните краеви“ се застапени само во бајките.
Но, затоа среќните примери се тука за да ни ја вратат вербата! Керол и Ворен Рекмејер, кои биле ривални безбол навивачи, но не дозволиле ниту тоа да влијае врз нивната заедничка среќа.
Овој пар од Илиноис, САД, е заедно 63 години, а својата љубов гордо ја покажуваат во јавноста на многу симпатичен и креативен начин.
Тие го привлекле вниманието на јавноста со нивните блузи на кои кога стојат еден до друг пишува „заедно од 1952“. Романтично, зар не?
Нивната фотографија деновиве стана вистински хит на интернет и ги разнежни срцата на сите оние кои успеале да задржат барем тронка верба љубовта.
Која е тајната на нивниот среќен брак?
Според госпоѓа Рекмејер, нејзиниот сопруг секогаш го има последниот збор – „да, драга“.