Фотографијата на мајка и нејзиното новороденче, кое штотуку се родило по пат на царски рез, стана хит на социјалните мрежи, а реакциите за неа се различни.
Некои останаа воодушевени, бидејќи истата го прикажува моментот кога бебето доаѓа на овој свет, па бројот на оние кои ја споделиле и „лајкнале“ ја надмина бројката од 200.000.
Други, пак, сметаат дека оваа слика никако не смеела да се најде во јавноста.
Фотографијата е дело на 29-годишната фотографка Хелен Алер, која и самата е во осмиот месец од бременоста. Таа признала дека не очекувала нејзината фотографија да крене толкава прашина и за неа да се зборува низ целиот свет.
- Ја фотографирав таа жена пред неколку недели, а при таа прилика ми кажа дека се ужаснува од помислата дека би можела да се породи со царски рез. Минатиот викенд ја задржаа во болница за породување, се случиле компликации и таа се породила токму со царски рез. Потоа ме повика повторно да ја фотографирам бидејќи нејзината најлоша ноќна мора го спасила нејзиниот живот, како и животот на нејзиното синче, вели Хелен, која и самата се плашела од помислата на царски рез.
Заради оваа фотографија, Алер доживеала многу непријатности.
- Некои од пораките кои ги добив беа навредливи и одвратни. Луѓето тврдат дека фотографијата е сексуално експлицитна. Ми испратија пораки кои не ни можам да ги опишам. Толку ме навредија, открива Хелен за Daily Mail.
Таа додала дека реакцијата на луѓето ја изненадила и самата мајка од фотографијата, која сакала да остане анонимна.
