Во ѕидините на еден ресорт за пливање напуштен веќе 15 години, лоциран во Велика Британија, направена е бизарна изложба која ја заинтригира јавноста ширум целиот свет. Станува збор за малку поинаква верзија на Дизниленд, наречена Дизмаленд.
Овој „хорор Дизниленд“ е дело на необичиот и анонимен уметник познат под псевдонимот Банкси.
Преку прошетка низ паркот , посетителите ја откриваат кочијата на Пепелашка срушена и коњите мртви, а околу нив папараците ја фотографираат случката.
Во рамките на овој необичен проект застапени се темите за апокалипса, како и пораки против консумеризмот и против големите корпорации. Сепак, главната девијација е тоа што Дизмаланд е сочинет главно од работата на други уметници, наместо на самиот Банкси, кој има креирано 10 нови дела, вклучувајќи го она со несреќниот случај на Пепелашка.
Банкси, чиј идентитет останува анонимен, овој парк го нарекува „фестивал на уметноста, забавата и тотален анархизам“. Во него се содржани теми за возрасни, вознемирувачки глетки, голема употреба на рефлектори, ефекти на чад и многу пцовки.
Самиот Банкси го претставил своето дело како „фамилијарен тематски парк кој не е соодветен за мали деца.“
