Ме сака како чудовиште,
грубо, со заби и со криење во темницата.
Тоа е мојот специјалитет –
мажи со силни тела и кршливи срца.
Доколку ги гушнете премногу силно,
тие ќе се срушат под вас,
како лавина која го чекала тоа во секој момент.
Сепак, тој ме гледа како да се сите работи убави
и се сакаме неразумно со срцата толку празни,
што нашите имиња одекнуваат помеѓу разрушените ѕидови
кои велат „постоел тука некој пред тебе“.
Тој има чкорчиња наместо раце,
а јас хартиено срце.
Ќе искапе бензин од нашите усни,
а ние тоа ќе го нарекуваме светост.
Ќе изгориме до коски и ќе го загадиме воздухот
со чад и себичност,
а ќе речеме дека тоа го правиме во името на нашата извртена љубов.
Ќе си ги изгориме телата до земја и тоа ќе го наречеме жртвување.
Ќе се растргнеме како вреќи, како да нема внатре ништо останато.
„Nobody ever taught us how to love“ – Lindsey Hobart