Згодна, млада и бестрашна се трите зборови кои најдобро ја опишуваат Instagram сензацијата Дерси Арахил, девојка која ужива додека се бори со водените ѕверови.
Оваа згодна 26-годишна девојка ги руши сте предрасуди и граници во светот на риболовот.
Бегајќи од градското секојдневие, Дерси секоја минута од викендот ја поминува на брод пловејќи по крајбрежјето на Филаделфија во потрага за нова риболовна авантура.
На списокот на нејзини жртви се наоѓаат голем број на ѕверки, како туна, сабјарки и ајкули.
За своите подвизи редовно известува на Instagram каде нејзиниот профил го следат повеќе од 100.000 луѓе.
- Повеќето мислат дека рибарењето е за некој средновечен маж. Меѓутоа, јас се обидувам да докажам дека тоа е и за девојки, како и дека може да биде многу забавно, рече Дерси.
До сега нејзин најголем улов беше ајкула долга околу 2,5 метри.
- Ја вратив во водата, како што правам со сите заштитени видови. Но поголемиот дел од својот улов го јадам, рече таа за локалните медиуми.