„Бунт во долината” (Valley Uprising) е неверојатен документарец за фанатичните луѓе кои се качуваат по карпи и начинот на живот кој го имаат организирано во националниот парк Јосемити, Калифорнија. Филмот минатата година освои и награда за најинспиративен авантуристички филм на Wild & Scenic Film фестивалот во Невада.
Масивните карпи на Јосемити националниот парк, веќе 50 години ги привлекува овој тип на спортисти како и истражувачи и лудаци кои имаат оставено сè и тргнале во поход на високите гранитни карпи. Луѓето кои пред педесет години дошле во Јосемити и започнале боемски начин на живот во долината, се во постојани караници со чуварите на Националниот парк и тргнале во некои најхрабрите искачувања во светот. Факелот се пренесува веќе три генерации преку натпревари, трагедии и триумфи-уметноста на искачувањето во Јосемити ги поминува сите граници на фантазијата.
Цели педесет години во Јосемити се создава уметноста на искачувањето, освојувани се врвови како Халф Доум и Ел Капитан, развиено е спортското качување, слободно и брзо качување и се поставени темелите на нови спортови-првенствено Base скокањето.
За прв пат пред македонската публика филмот беше прикажан во 2014 како дел од филмската Reel Rock турнеја, а премиерно на ТВ екраните може да го проследите на каналот Discovery кои се емитува под реден број 102 на MaxTV на 4 октомври во 22 часот.