Кога Дејна Грифин-Грејвс направи забавно изненадување за нејзиниот сопруг Аркел со цел да му соопшти дека е бремена, знаеше дека тој ќе реагира емоционално, но немаше поим дека ќе почне да плаче од среќа!
Двајцата сопружници се обидувале да зачнат дете цели 17 години, но по четири абортуси и едно мртво родено бебе, тие сакале да се откажат.
- Тоа беше борба, ролеркостер од емоции. Стигнавме до точката кога веќе сакаш да престанеш да се бориш, изјавила Дејна за една локална ТВ станица.
Но, тие конечно зачнале бебе и среќата не можат да ја сокријат.
- Никогаш не сум бил повеќе возбуден. Не за себе, туку за неа, изјавил Аркел.
Докторите рекле дека Дејна е пет месеци бремена и носи машко бебе кое е во сосема добра состојба, а треба да се породи во февруари.