Паровите кои со години се обидуваат да имаат деца знаат низ сè што треба да поминат во текот на вештачкото оплодување за да дојдат до дете.
Фотографијата што беше објавена на FB страната на Sher Institutes, а ја отсликува „вистинската дефиниција на љубовта која е потребна да се создаде ова прекрасно девојче“. Она што за кратко ја направи оваа фотографија вирална е фактот што бебето е во средината на срце направено од илјадници шприцови кои биле користени врз мајката додека се обидувала да зачне.
-Иглите беа полесниот дел. Потешка беше емоционалната борба, подемите и падовите. Бев сама и чекав долго време пред да пронајдам сопруг. Кога го најдов веќе беше тешко да останам бремена, вели мајката на оваа мала убавица.
Девојчето опкружено со игли за два дена го привлече вниманието на повеќе од половина милион луѓе и инспирираше стотици кои поминуваат низ истиот проблем да го споделат своето искуство.
Мошне моќна фотографија. Ми надоаѓаат солзи на очите. Поминавме низ 2 циклуси на IVF третмани и сè уште нема бебе, вели еден од коментарите додека друг се надоврзува со зборовите „Вредеше секое земање крв, секоја инјекција, секој момент“