Германски тинејџер ризикуваше да го затворат во Египет, само за да го исполни она што го посака, а тоа е да се искачи на големата пирамида во Гиза. Андреј Џиесиелски, го прекрши законот стар со децении откако успеа да се искачи на 4500 години старата пирамида. Со себе понесе камера и се снимаше додека се качуваше нагоре.
- Ми требаа 8 минути да се искачам на врвот, а се симнував 20 минути. Безбедност пред се.
Но, кога стигнал долу, полицијата веќе го чекала.
- Кога се симнав, полицијата ме одведе во станица и ме испрашуваше. Исто така ми ја земаа камерата да видат што сум снимал. Прво сакаа да ме однесат во Германската амбасада, но потоа откога сфатија дека ништо не сум направил, ме пуштија, изјавил Андреј.
Андреј има навика да се искачува на високи места. Неговиот профил на Facebook е преполн со фотографии направени на некои покриви низ светот.
Каиро
Њујорк
Минхен
Берлин
Варшава
Хонгконг
- Го сакам качувањето на покриви, бидејќи тогаш ја чувствувам слободата. Првиот пат кога се искачив беше вистинско адреналинско искуство, но сега веќе ми е нормално. Никогаш не сум имал несреќа. Секогаш размислувам два пати пред да направам нешто и многу сум внимателен.