Во одморалиштето „Формигал“ на Пиринеи е предизвикана вистинска паника, откако се прошири информацијата дека во околината наводно е видено бело крзнено суштество кое наликува на познатиот Јети, објави британскиот весник „Телеграф“.
Еден од туристите тврди дека успеал да сними необично суштество во околината на одморалиштето во североисточна Шпанија, а останатите скијачи и сноубордери сега се прашуваат дали снимката е доказ дека навистина постојат суштества од типот на Јети.
На форумите на кои е објавено видеото се разви жестока дискусија и се изнесени различни теории за она што се гледа на снимката.
Некои мислат дека станува збор за мечка, додека други тврдат дека е можно да се гледа војник за време на вежба во снежни услови.
Секако, изнесена е и теорија дека некој едноставно се облекол во бел крзнен костим за да предизвика паника.
Сопствениците на одморалиштето ја пребарале околината и не пронашле непознато суштество.
- Веројатно нема причина за паника, но ќе продолжиме да го надгледуваме регионот, изјави портпаролот.
Скијачите кои го снимиле видеото тврдат дека виделе необично суштество.
- Мечка или Јети? Кажавме што видовме, но не нè сфатија сериозно. Се обложувам дека нешто се движи во тој регион. Знам што видов, изјави скијач, која сакал да остане анонимен.: