Ако им се верува на предвидувањата на кино хитовите од осумдесеттите години на минатиот век, на светот наскоро му се ближи крајот.
Имено, во вториот дел на култниот „Истерувачи на духови“ („Ghostbusters“) од 1989 година, токму Св. Валентин во 2016 година е наведен како датум кога ќе се случи крајот на светот.
„Судбоносното“ претскажување го дава Елејн за време на гостувањето во емисијата „The World of the Psychic“ на Питер Венкман. Елејн вели дека во еден мотел запознала вонземјанин, кој и открил дека токму 14 февруари 2016 е последниот ден на светот.
Другиот гостин, Милтон Енгланд, кого го толкуваше Кевин Дан, предвиде пак дека крајот на светот ќе биде на старата нова година во 1989 година, што и би се случило ако, според филмот, не постоеја славните истерувачи на духови.
Инаку, новоти продолжение на „Истерувачи на духови“ ќе ја има премиерата на 15 јули оваа година, што значи дека малку ќе задоцнат со апокалипсата на Елејн.