Извесна кинеска одбојкарка се породила во училиштен тоалет, бебето го оставила во блиската грмушка и се вратила на натпреварот, јавија државните медиуми.
Кинеска тинејџерка, како што се наведува, контракциите почнала да ги добива за време на натпреварот од женското одбојкарско првенство за млади до 18 години.
Бебето го пронашол случаен минувач кој ја следел трагата од крв по теренот за да ја пронајде и мајката, се наведува во полицискиот извештај.
- Ја видов на теренот додека се одмараше. Таа изгледаше добро по породувањето. Претпоставив дека има силен организам штом се породила за време на играње на натпреварот, сведочеше минувачот.
Новороденчето и мајката се пренесени во болница каде е утврдено дека се добри, се додава во соопштението.
Вонбрачните бебиња во Кина обично се напуштени од родителите заради социјални и финансиски притисоци. Политиката на планирање семејство во Кина подразбира драстични казни и за брачните двојки кои имаат повеќе од две бебиња.