Здравицата без разлика дали е долга и формална или кратка и „кежуал“ е прекрасен начин на славењето на убави поводи. Свадби, веридби, успеси и други достигнувања.
Но, за неа постои правилото дека мора да инволвира соодветен пијалок. Не смее да се наздравува со чаша полна со вода. Зошто е тоа така во етиката поврзана со здравицата?
Приказната за ова правило потекнува уште од античка Грција и е врежана во суеверие кое подоцна прераснало во „непишано правило“.
Античките Грци наздравувале со вода кога требале да ги испратат мртвите во реката Lethe. Душите на мртвите патувале во реката и според грчката митологија тие често ја пиеле водата од оваа река во подземјето на богот Хад. Затоа чашата полна со вода била симбол во Грција со која се правело патувањето на душите попријатно.
Ова суеверие подоцна станало знак за лоша среќа, бидејќи се верувало дека наздравувањето со овој безличен пијалок ќе ги разлути боговите. Тие ќе го проколнале тој што наздравувал со вода и ќе го следело лоша среќа до крајот на животот.