Како да пронајдете девојка можеби е проблем кој ги мачи повеќето мажи во другите делови на светот, но не и жителите на кинескиот град Донгуан. Таму разликата помеѓу бројот на жени и мажи е голема, па на секој 89 маж доаѓаат по 100 жени, а тоа е последица од политиката на вработувањето – локалните работодавци бараат женски работнички, додека мажите масовно се иселуваат.
Поради дефицит на мажите, не е чудно што таму еден маж има и по три девојки, а еден од нив изјавил за медиумите дека би било срамно ако имате само една девојка. Сепак, изгледа дека на мажите тоа не им е проблем.
- Во градот е многу полесно да се најде девојка отколку работа. Јас имам три, а и многу мои пријатели. Тие девојки меѓусебно знаат сè една за друга и ништо не се крие, изјавил Ксао Лин, кој додава дека во тој град таа ситуација е нормална. Смета дека е штета толку убави девојки да шетаат сами без момче. Исто така во Донгуан не е толку необично ако жените ја платат сметката во бар или ресторан, со оглед на тоа дека повеќето се вработени.