Луѓето врескаа и бегаа: Актерите во Кан „нападнати“ од ИСИСОд некои се уште непознати причини, една PR агенција ангажирана за филмскиот фестивал во Кан, испланирала сцена во која на крајбрежјето се приближувале маскирани мажи со ознаки наоние како на припадниците на ИСИС. Непријатната точка се одиграла пред Hotel du Cap-Eden-Roca, хотел со пет ѕвезди во кој отседнале бројни светски филмски ѕвезди.
Маскираните мажи предизвикале паника меѓу гостите, па на крај морало да реагира и полицијата.
- Сè се случи така брзо. Некој почна да вреска, а луѓето скокаа и почнаа да трчаат кон базенот. Беше навистина страшно. Бевме шокирани со глетката која ја видовме, изјавил публицистот Савет, за Hollywood Reporter.
Паниката настанала и во соседниот хотел каде што гостите исто така се разбегале во различни насоки. Подоцна, кога дошла полицијата им појаснила на сите дека се работи за инсцениран напад.
Париската PR агенција, тврди дека не им била намера да ги престрашат гостите на фестивалот, ниту пак тоа да изгледа како терористички напад. Сепак преправените мажи се уште се во притвор, а Кан е преполн со полиција и припадници на тајните служби со оглед дека неодамна се случија терористичките напади во Париз.
|