На сегашниот претседател на Америка, Барак Обама, веќе му завршува последниот мандат и заедно со неговото семејство ќе треба да се иселат од Белата куќа, кога ќе завршат претседателските избори. За нивен следен дом, тие избраа огромна куќа во Вашингтон по цена од 4.3 милиони долари, со одделни соби-плакари, купатила, простор за забава и огромна градина.
Куќата е елегантно уредена, а изградена е уште во 1928 година во која има 9 спални соби. Има огромна кујна, каде што Мишел може да готви редовно, а исто така има и работна соба каде што Барак може да ги пишува неговите мемоари или пак да додаде уште една книга на веќе двете објавени.
Можеби веќе нема да биде претседател и да живее во Белата куќа, но едно е сигурно – вкусот и елеганцијата се задржале во нивниот стил. Поради тоа избрале вака прекрасен дом во кој ќе го продолжат животот без претседателски обврски.