Малачи Реј Ремпен, креаторот на Itchy Feet стрипот, открил дека неговата жена забременила само два дена пред нивното патување во Јапонија, па вечерта пред да заминат, направил патна исправа од еден свој стар пасош.
- Го исеков германскиот пасош и залепив неколку страници. За фотографија ја искористив онаа од првиот ултразвук, вели Малачи.
Парот го земал и овој пасош во Јапонија, а по патот го наредиле со разни печати со цел еден ден да му покажат на нивното дете каде шетал откако бил направен.
Тие планираат да соберат уште печати на пасошот, па затоа ќе се упатат во Данска, Шведска, Франција, па можеби и САД.