Роуз Гејл е нетипична 39-годишна жена. Барем нетипична според надворешниот изглед. Таа има густа брада која е препознатлива за припадниците на машкиот пол, но инсистира дека е среќна што ја има и не планира повеќе да ја бричи за да ја скрие.
Причината за изгледот на Роуз е полисистичниот синдром кој и бил дијагностициран на 13-годишна возраст и кој предизвикува хормонална нерамнотежа, зголемена тежина и изразита влакнетост.
Таа по појавувањето во јавноста објасни дека лекарствата кои ги пие за болеста не придонеле симптомите да се намалат и поради тоа долги години морала да ја бричи брадата како маж. Но, сега вели дека и смачено од тоа и затоа е среќна со брадата која не ни планира да ја доближи до брич.
Роуз исто така објасни и дека социјалните мрежи и помогнале во пронаоѓањето на прифатеност и поддршка од околината.
-Кога ја објавив првата моја фотографија со брада на себе наидов на огромна поддршка. Имаше и негативни коментари, но подрршката беше поголема, а и вниманието особено од машката популација, додаде таа.