Немате клима во својот дом, а жештината веќе ве полудува? Време е на едноставен начин да го модифицирате стариот вентилатор и да ја спуштите температурата на подносливо ниво. Сè што ќе ви биде потребно се коцки мраз или заледена вода.
1. Пред вентилаторот ставете широк плиток сад, што ќе го наполните со мраз. Како што ќе дува вентилаторот така во просторијата ќе се шири ладен воздух. Кога мразот ќе се истопи, додадете нов.
2. Земете неколку пластични шишиња и наполнете ги со вода. Потоа ставате ги во замрзнувачот и оставете водата да замрзне. Шишињата со замрзната вода ставете ги сад пред вентилаторот како во претходниот случај и вклучете го вентилаторот. Втората опција на ладење е подобра, затоа што водата потешко ќе се стопи.