Фотографот Јалал Сепехeр објави ретко видена перспектива на светот со неговиот проект Red Zone. Се работи за серија фотографии кои се негова лична референца на моменталната алармантна состојба на земјите од Блискиот Исток, односно политичките немири и војни.
Секоја фотографија има заеднички и еднакво изразен мотив, а се работи за персиски тепих кој е синоним за движење кон напред, вклопен во многу стресна ситуација која кај гледачот предизвикува немир. Разните препреки на фотографиите, како што е песочното невреме, па дури и оние црни дупки се само препреки кои го попречуваат идеалниот пат за напред.
Интересно е како тепихот на сред пустина јасно ја симболизира празнината и тоа на многу силен начин. Овој фото-проект всушност претставува вистински увид во сите социјални и културолошки влијанија предизвикани со национална нестабилност.
