Оваа емотивна сага е прекрасна книга од „кралицата на летните романи“ – Елин Хилдербранд. Бестселер-авторката на „Њујорк тајмс“ пристигна во Македонија со идеална книга за уживање на плажа.
Меделин Кинг и Грејс Панцик се најдобри пријателки на кои им завидува целиот остров Нантакет поради сето она што го имаат – совршени бракови, прекрасни деца, заеднички вечери во недела навечер. Сепак, Грејс ѝ се доверува на Меделин дека го изневерува сопругот, а оваа почнува да пишува роман за тоа, сакајќи да го објави зад нејзиниот грб... А, доколку во Нантакет сакаат нешто повеќе од коктели на плажа на зајдисонце, тоа е – добар трач. И додека Грејс и Меделин се обидуваат да ги поправат работите, можно е вистината да е полоша и од тоа што зборува народот.
Оваа неповторлива книга е петнаесеттиот роман на Елин Хилдербранд. Сите нејзини книги се случуваат во околината на островот Нантакет, каде што и самата живее со сопругот и со трите деца. Како тинејџерка секое лето го минувала на Кејп Код, безгрижно уживајќи, сè додека татко ѝ не загинал во авионска несреќа. Следниот одмор решила да работи, поставувајќи си нова животна цел: секогаш да ѝ биде лето.
Следните трачеви за неа се точни: своите романи ги пишува рачно, добра готвачка е, но катастрофална градинарка, и се бори со рак на дојката. Сè друго е отворено за шпекулации.
Одговорете точно на прашањето „Како е насловот на петнаесеттиот роман на Елин Хилдербранд?“, а Идивиди во соработка со издавачката куќа „Антолог“ ќе доделат примерок од романот на еден од вас по случаен избор. Точниот одговор напишете го во коментар на овој линк, кој е споделен на нашиот официјален Facebook профил, а воедно споделете ја и оваа вест.
За да го пронајдете точниот одговор, побарајте помош на antolog.mk. Добитникот ќе биде објавен во петок на 1-ви јули.