Еден пијан гостин ги наградил келнерите во еден тајландски ресторан во Колорадо со бакшиш од дури 1000 долари! Персоналот бил многу среќен поради оваа огромна сума на пари и сакале да си ја поделат.
Сепак, шефот на ресторанот им рекол да почекаат еден ден во случај гостинот да се премисли, бидејќи тоа бил чест случај. Анонимниот гостин уште следното утро отишол во ресторанот и зажалил за својата одлука, па посрамотен си ги побарал парите. Кажал дека мислел дека дал 100, а не 1000 долари.
- Се работи за репутација и гордост. Не ни се двоумевме дали да му ги вратиме парите. Ни беше жал за персоналот бидејќи многу се израдуваа за бакшишот, но ја направивме правилната работа, изјавиле сопствениците на ресторанот.