Еден ден, еден познаник решил да го посети големиот филозоф, Сократ, со цел да му ја раскаже гласината која кружи за еден од неговите пријатели.
-Знаеш ли што слушнав за твојот пријател?, го запрашал.
-Застани, му возвратил Сократ. Пред да ми кажеш што имаш, тоа мора да помине низ еден мал тест. Се нарекува троен филтер за озборување.
Во суштина, Сократ поставил 3 едноставни прашања, на кои познаникот немал ниту еден потврден одговор. Доколку некој сака да ви го помати умот со некоја неоснована гласина или пак и самите се фатите во замката на озборувањето добро размислете на следните 3 нешта.
Вистина – дали сте сигурни дека она што ви го кажуваат, односно го кажувате е вистина?
Добрина – дали информацијата е за добро, односно дали ќе предизвика позитивна реакција?
Корисност – дали она што ќе го кажете или ви го кажуваат е корисно за вас, односно за вашиот слушател?
Кој е вашиот одговор?