Кинезите имаат многу голема љубов кон екстремни нешта, а доказ за тоа се и стаклените патеки по високите планини. Овој викенд отворија уште еден стаклен мост, кој воедно е и најдолгиот во светот. Се наоѓа меѓу врвовите на планината Џангџиџие.
Мостот е дело на израелскиот архитект Хаима Дотама, а се наоѓа на висина од 300 метри, со широчина од шест, а должина од 430 метри. Се состои од 99 стаклени панели и може да издржи 800 луѓе. За оние кои се уште похрабри и чекорењето по мостот не е доволен предизвик, обезбедено е и возење на жица или банџи скок.
Картите чинат 20 долари и мора да се резервираат еден ден однапред. Одлучено е дневно да го поминат мостот само 8000 луѓе. Од безбедносни причини забранети се високите потпетици иако издржливоста на мостот повеќе пати е тестирана со возење на теренски возила, како и удирање со чекан.