Менаџментот на Arctic Snow Hotel во финскиот град Ровениеми вработи личност која ќе остане будна навечер и во моментот кога ќе забележи аурора бореалис (поларна светлина) ќе ги буди гостите на хотелот кои се сместени во стаклени игла.
Имено, тој ќе ги буди гостите преку сигнал.
- Гостите ќе бидат во можност да го слушнат специјалниот сигнал во сместувањето веднаш штом почне да се појавува поларната светлина. Услугата е достапна за време на зимската сезона од 23:30 до 06:30 часот, а алармот гостите самите си го нарачуваат на рецепција на хотелот во која било доба, стои на официјалната веб-страна на хотелот.
Овој сервис е вклучен во цената на сместувањето, така да посетителите нема да мора дополнително да го плаќаат.