Кога сме во потрага по работа, најчесто смислуваме некоја идеа која што ќе го натера работодавецот да ни се јави веднаш за да нè повика на интервју и со тоа ќе се истакнеме многу повеќе од другите кандидати. Но, обично тоа се трудиме да го направиме во самото CV отколку во начинот на кој го праќаме.
И додека сите праќаат CV по меил, 25 годишниот Лукас Јла го смислил најоригиналниот начин да го привлече вниманието на потенцијалните компании. Тој се преселил во Сан Франциско и морал да пронајде работа за многу брзо време.
Најпрво испечатил маица која ја носат вработени во најголемите компании за достава во Сан Франциско.
Потоа купил неколку кутии со крофни и залепил порака на кутиите:
Повеќето биографии завршуваат во ѓубре. Мојата – во вашиот стомак.
Здраво,
Оваа достава не е грешка. Се преправав дека сум човек кој доставува со цел да се осигурам дека моето CV ви е дадено лично Вас.
Како што забележавте, им приоѓам на работите на поразличен начин и најважно – сакам да бидат завршени.
Се викам Лукас. Јас сум човек кој веќе 5 години се занимавал со маркетинг. И се восхитувам на вашата компанија и сакам да работам за вас.
Ако ја заинтригирав вашата љубопитност и се прашувате како да допрете до мене, кликнете bit.lu/check-resume во вашиот броузер.
Сега, уживајте во овие неверојатни и познати крофни од Mr.Holmes Bakehouse.
Потоа лично ги однел кутиите во секоја компанија во која сакал да работи. Претходно извршил истражување за тоа да се осигура во која компанија може директно да стигне до претпоставените. Доставил повеќе од 40 кутии во различни компании и веќе добил 10 одговори. Моментално е во процес на интервјуа со неколку компании.
Понекогаш треба поразлично да размислете околу начинот на кој аплицирате, отколку на самото CV.