Еден од најпродаваните таблети против болки е токму аспиринот. Освен што може да ви ја елиминира болката, може да ви помогне и во многу други ситуации. Кои се тие?
Против првут
Аспиринот содржи салицилна киселина, која го навлажнува скалпот и помага при првут во косата. Освен тоа, може да ја заштити косата од опаѓање. Сè што треба да направите е да искршите 2-3 аспирина и да ги измешате со количината на шампонот со кој си ја миете косата. Оставете да отстои неколку минути, а потоа измијте.
Средство за чистење на кожата
Исто така, аспиринот е добар противник на акните. Салицилната киселина има моќ да ги отстрани мастите и мртвите клетки од кожата. Ги намалува отоците, ги чисти порите и делува смирувачки на кожата. Искршете една таблета во ¼ шолја со вода и една мала лажичка мед. Измешајте ги состојките и смесата нанесете ја на лицето. По 10 минути измијте со млака вода.
Отстранување на дамки од пот
Дамките од пот на облеката е многу тешко да се отстранат, особено оние жолтите! Аспиринот може да помогне ако издробите 5 таблети и ги помешате со ¼ шолја вода и истото да го нанесете на дамката да делува неколку минути. Потоа исперете ја облеката на сосема вообичаен начин и дамките ќе ги снема.
Автомеханичар
Ако вашиот акумулатор не успева да го запали автомобилот, веројатно е празен. Ако немате време да чекате за помош, искршите неколку таблети аспирин и потрудете се да ги ставите на отворот на акумулаторот. Салицилната киселина реагира на сулфурната киселина во акумулаторот и веднаш ќе го врати во живот.
Во градината
Салицилната киселина е во можност да го блокира производството на етилниот, кој е главна причина за овенување на цвеќето. Измешајте 3 таблети аспирин со чаша вода и вашето цвеќе ќе остане свежо подолго време.