Целата приказна за LEGO коцките започнува во Данска, но денес се произведуваат низ целиот свет. Официјалното „раѓање“ на коцките се случило во 1947 година. Освен што се една од најубавите играчки за деца, LEGO коцките ги сакаат и возрасните, а некои од нив ги користат во професионалната кариера. Што е она што не сте го знаеле за овие уникатни играчки?
Името LEGO има посебно значење
Основачот на коцките, Оле Кирк Кристансен го измислил името како комбинација од зборовите „Leg“ и „Godt“ што во превод значи „играј си убаво“. Исто така интересен е фактот што на латински токму тој назив значи собирам, спојувам и читам.
LEGO коцките од 1958 година се уште може да се комбинираат
Коцките се дел од еден универзален систем, па дури и оние најпрвите може да се комбинираат и спојуваат со оние кои се изработуваат денес. Без оглед на кој сет припаѓаат, секој дел е компатибилен со друг дел и овозможуваат во целост да се изрази човечката фантазија и креативност
Само 6 коцки се доволни дури за 915 милиони различни комбинации
Проверете колку коцки ви се потребни за 24 комбинации.
Отприлика на секои 12 секунди се произведува нова коцка
Коцките се достапни во 53 бои, а во продавниците на мало ширум светот секоја секунда се продаваат во просек по 7 комплети на LEGO фигури, а LEGO да беа луѓе, до сега ќе беа најбројната популација во светот.
Изградена е цела куќа само од LEGO коцки
Во 2009 година, Џејмс Меј од Велика Британија ја конструираше првата куќа на светот изградена од LEGO коцки. За да се изгради, потребни биле 3.3 милиони коцки, а куќата содржела и функционално купатило, кое исто така е направено од LEGO.
Уметниците изработуваат скулптури од LEGO коцки
Првиот уметник кој почнал да ги користи коцките бил Нејтан Савеј, а неговата изложба се нарекувала „The Art of The Brick“ или во превод „Уметноста на коцките“. Уметникот Шон Кени, кој сам себе се нарече професионално дете, изгради кариера поради скулптурата која ја изработи само од LEGO коцки.
Најголем произведен LEGO е Таџ Махал
Таџ Махал, индиската гробница која ја создале 20.000 луѓе има своја LEGO реплика. Најголемиот комерцијално произведен LEGO е составен од 5.922 LEGO коцки.
Од LEGO коцки е произведен и Брајовиот печатач
Ова година, 12-годишен генијалец од Калифорнија, го искористил LEGO MindstormsEV3 комплет и направил функционален Брајов печатач. Откако видел дека е од голема помош за слепите лица, изработил прототип на принтер за слепи, вреден 350 долари, а кој во малопродажба чини околу 2000 долари.
Најголемата светска кула се наоѓа во Јапонија и изградена е од 430.000 коцки
Во 1999 година, Star Wars LEGO коцките станаа прв лиценциран тематски сет кој го произвела фирмата