Жителите на малото шпанско село Церезалес дел Кондадо, неодамна станаа милионери, благодарение на генералниот извршен директор на пивото Corona.
Имено, тој доаѓал токму од ова село, кое што денес брои 80 жители. Станува збор за Антонино Фернандез, кој починал во август оваа година во 100-та година од својот живот, а во тестаментот напишал дека 200 милиони евра им остава на жителите на селото во кое што пораснал. На секој жител му припаѓаат повеќе од 2 милиони евра.
Антонино уште на 14 годишна возраст морал да го напушти училиштето, бидејќи родителите не можеле да му го овозможат. На 32 години се оженил со Чини Гонзалес Диез и емигрирал во Мексико, каде што се вработил во компанијата на нејзиниот вујко, кој го произведувал токму тоа пиво. До 1971 година, успеал да напредне до позицијата на Генерален директор и помогнал пивото Corona да стане не само најпопуларното мексиканско пиво, туку и да овозможи огромен извоз надвор од Мексико.
Фернандез никогаш не го заборавил местото од каде што доаѓа, а поранешниот шпански крал Хуан Карлос, го одликувал за неговата хуманитарна работа. По смртта, освен што сите станале милионери, селото ќе добие и целосно нов културен центар, токму со дел од неговите пари.