Секоја земја горе –долу е позната по нешто, но на мапата на Дејвид МекКендлес, Македонија и нема нешто посебно за споменување. Неговата мапа е изработена врз основа на статистички податоци собрани од Интернет и од бази на податоци од Светската банка и Гинисовата книга на рекорди.
Според изданието за 2016-та година што е објавено на InformationisBeautiful.net додека ние немаме со што да се пофалиме, истото не важи и за нашите соседи. Грција е позната по многуте луѓе кои јадат сирење, а Бугарија по породилното отсуство. Малку посеверно, Хрватска е препознатлива по бројот на трансплантации на бубрези.
Ако сакате да си најде милионер за сопруг упатете се кон Британија, додека ако сте љубител на виски, патот под нозе кон Франција.
Е сега, постојат и дестинации чии жители можеби воопшто не би сакале да се најдат на оваа мапа. На пример според оваа статистика во Пакистан се гледа геј порно најмногу од било кое друго место на светот, додека Јужна Африка и понатаму води по бројот на смртни случаи.
Тоа и не е некоја убава одлика по која што би сакале да бидете познати, зарем не?
Сепак, ајде за забава да откриеме во што сме најдобри и најпознати. Секој одговор е добредојден.