Шри Ланка постави голема новогодишна елка за која тврдат дека е најголемата елка во светот. Вештачкото дрво високо 73 метри, кое се наоѓа во престолнината Коломбо, е повисоко од актуелниот рекордер за 18 метри.
Вештачкото дрво е украсено со над милион природни шишарки обоени во црвена, златна, зелена и сребрена боја, а свети со помош на 600.000 LED светилки и го краси ѕвезда на врвот, со висина од шест метри.
За да се изработи дрвото биле потребни 80.000 долари, но истото не било доволно за да ја импресионира католичката црква. Оние кои се занимаваат со овие работи, кажале дека ова е вистинско фрлање пари и им сугерираа на тамошните власти, наместо да рушат рекорди да се сконцентрираат да им помогнат на сиромашните. Премиерот Ранил Викерменсинг одговорил на критиките дека дрвото не е подигнато од парите од буџетот, туку благодарение на донациите од одредени фирми.
Сепак, дали ова ќе биде доволно да го срушат рекордот, останува да видиме.
Организаторите велат дека сакале дрвото да ја промовира етничката и религиозната хармонија во оваа голема будистичка земја, која и по долгата граѓанска војна се уште стои на стаклени нозе.
- Ова е порака до светот дека можеме да живееме како една земја, една нација, изјавил Арјун Ранатунг, министер за трговија.