Руското воено воздухопловство добива нов авион – MiG-35, кој му е претставен и на рускиот претседател Владимир Путин.
Овој суперловец од 4++ генерација, во состојба е подеднакво ефикасно да ги погоди целите во воздух, на море и на копно, а воените експерти велат дека ги руши сите закони на физиката. По сè изгледа дека ова ќе му стане омиленото „милениче“ на Путин.
Според информации од воената авијација, оваа година треба да се завршат сите тестирања. До 2020-та година, руското Министерство за одбрана планира да купи околу 30 вакви авиони. Се проценува дека еден авион ќе чини вртоглави 45 милиони долари.
Авионот MiG-35 првиот лет го имаше во октомври минатата година, а наредниот месец ќе започнат и првите тестирања. Со должина од 17 метри и тежина од 73 тони, успева да развие висина од 2.560km/h, додека пак радиусот на дејствување е 1000km. Вооружен е со современи и перспективни ракети за воздух-воздух и воздух-земја, од краток и среден домен, како и авио-бомби со тежина од 250 и 500kgr.
Руските експерти сметаат дека ова е еден од најперспективните руски ловци, чија главна задача е да нанесува високопрецизни удари, вклучувајќи ги и оние на објекти од стратешко значење.