Сигурно се сеќавате на фотографијата на прегладнетото момче од Нигерија, кое беше напуштено од родителите, бидејќи тие сметале дека е проколнато.
Негова спасителка беше Ања Рингрен Ловен, која го зема под своја закрила во јануари минатата година и го крсти Хоуп (надеж).
Момчето закрепнало и пораснало, а оваа година почнало да оди во училиште. Токму на првиот школски ден, Ања направила иста фотографија како онаа која ја објавија медиумите кога тие двајца се запознаа.
- На 30 јануари 2016 година, бев на спасувачка мисија со Дејвид Емануел Умем, Нидибл Орок и нашиот тим во Нигерија. Спасувачката мисија се прошири низ светот и денес има точно една година откога светот го запозна малото момче кое го нарековме Хоуп. Оваа недела, Хоуп почна да оди на училиште, напишала Ања под фотграфијата.
Ања не го спасила само Хоуп, туку има цело сиропиталиште во Нигерија. Успеала да собере 800.000 долари од донации ширум светот. Во овие краишта, луѓето веруваат во вештери и многу семејства си ги напуштаат своите деца токму поради тоа што мислат дека се проколнати. За среќа, Ања и нејзиниот сопруг имаат огромни срца и ги прифаќаат овие деца.